போட்டுத் தாக்கு!!!!!

இன்று தான் புதிதாக வந்த படங்களின் எல்லா பாடல்களையும் ஆர அமற உட்கார்ந்து கேட்கும் வாய்ப்பு கிடைத்தது. அய்யா, சந்திரமுகி, மாயாவி, ராம், ஜி, சுக்ரன்,திருப்பாச்சி போன்ற படங்களின் பாடல்களை கேட்டதுமில்லாமல் பாடல்களின் வரிகளும் சிலப் பாடல்களில் கவனிக்கப்பட்டது. மாயாவி பாடல்கள் முதல் இம்பிரஷன் (First Impression) ஏற்ப்படுத்த தவறி விட்டது. உன்னிப்பாக கவனித்தால் துள்ளல் இசையுடன் வந்த பாடல்கள் உடனே எனக்கு முதல் இம்பிரஷனை ஏற்படுத்து விடுகிறது.

சந்திரமுகி பாடல்களின் இசை கேட்க இனிமையாகயிருக்கிறது. கேட்க கேட்க சூப்பர்ஹிட் ஆகலாம். பாடல்களின் வார்த்தைகளை கவனிக்க தவறிவிட்டேன். 'தேவுடா தேவுடா' பாடல் இரஜினியின் செண்டிமெண்ட்க்கு ஏற்ற மாதிரி எஸ்.பி.பி பாடியிருக்கிறார். இது முதல் பாடலாகத் தான் இருக்கும். படத்தில் இந்த முதல் பாடல் பிக்சரைஷேசன் நன்றாக வந்திருக்குமென நினைக்கிறேன். சின்ன வயசில் விளையாடிய 'கொக்கு பறபற கோழி பறபற மைனா பறபற' விளையாட்டு பாடலாக வந்திருக்கிறது. சின்ன வயசில் என் கேர்ள் பிரண்ட்ஸ்களுடன் 'கொக்கு பறபற' விளையாடியதை நினைவில் தூண்டி விட்டு ஆட்டோ கிராஃப் எழுத வைத்தது. 'கொக்கு பறபற' விளையாட்டு எப்படி விளையாடுவது என்று உங்களுக்கு தெரியாவிட்டால் பின்னூட்டமிடுங்கள் அடுத்த பதிவில் போடுகிறேன். இந்த பாடத்தின் பாடல்களை விமர்சனம் செய்ய தனிப்பதிவே போட வேண்டும்.

ராம் படத்தின் எல்லா பாடல்களும் ஓரளவு முதல் இம்பிரஷனை பெற்றது. நியூ படத்திற்கு அப்புறம் தாயின் பெருமையை பாடும் இரு பாடல்கள் இப்படத்தில் உள்ளது. அத்துடன் அந்தப் பாடல்களை நீண்ட இடைவெளிக்கு அப்புறம் ஜேசுதாஸ் பாடியிருக்கிறார். ராம் படத்தில் தாயைப் பற்றி பாடும் ஜேசுதாஸின் பாடல் மிக இனிமையாக இருக்கிறது.

சுக்ரன் படத்தின் எல்லா பாடல்களும் ஓரளவு துள்ளல் வகை. இசைக்கு புதியவர் விஜய் அண்டனியின் இசை மிக நன்றாக ஆட்டம் போட வைக்கிறது. நல்ல தொடக்கம் தான். 4 ஸ்டண்ஸ்-க்கு அப்புறம் "சாத்திக்கடி போத்திகடி பாத்திரம படுத்துக்கடி வீட்டுக்குள்ள ஊசி வெடிப் போட போறேன்" பாடல் இரத்தத்தில் உற்சாகத்தை ஏற்றி ஆட்டம் போட வைக்கிறார். பாடல் வரிகள் குப்பை. அது போக துள்ளுவதோ இளமை என்ற பாடல் மால்குடி சுபாவின் குரலுடன் ரீ-மிக்ஸ் செய்யப்பட்டுள்ளது.

ஜி படத்தில் முதல் கவனத்தை சிலப் பாடல்கள் கவர்ந்தன 'திருட்டு ராஸ்கல்' பாடல் உள்பட. பெண் பாடகி 'திருட்டு ராஸ்கல்' என்ற வார்த்தை நன்றாக குரலில் உருட்டியிருக்கிறார். வீட்டில் சும்மா இருந்த பாடகர் மனோ இந்தப் பாடலில் பாடியிருக்கிறார். இப்போது மனோவின் மகன் மீது இண்டர்நெட் செக்ஸ் புகார் வேறு. பாவம் மனோ. இந்த படத்தில் ஒரு குறும்பாடல் அருமையாக வந்திருக்கிறது. பாடல் என்னவெனில்

"சரளா கொண்டையில் சாமந்திப்பூவை சடகோபன் தான் வச்சாண்டா
சம்மதம் சொன்ன மறுநாளே அவ அண்ணணுக்கு இவன் தான் மச்சான்டா
கடவ பல்லுல அழுத்துக் கடிச்ச கருங்கல்லு கூட ஒடையுமடா
மறவா கொஞ்சம் பேசி சிரிச்சா மடங்கா பிகரும் மடங்குமடா"

"எத்தனை எத்தனை நீண்ட இரவுகள் என்றைக்காவது விடியாதா?" என்ற ஜி படப்பாடல் மனதை இதமாக வருடுகிறது.

என்னுடைய நல்ல ஓட்டும் கள்ள ஓட்டும் நான் சொன்ன லிஸ்டில் ஒரு பாடலுக்கு தான். அது தான் 'அய்யா' படத்தில் வரும் ஒரு பாடலுக்கு. "ஒரு வார்த்தை கேட்க ஒரு வருசம் காத்திருந்தேன்" என்ற பாடல். பரத்வாஜ்-ன் அருமையான இசை, கச்சிதமான வரிகள் பாடல்களை மீண்டும் மீண்டும் கேட்க வைக்கிறது. இன்று இந்த பாடலை எத்தனை முறை கேட்டேனென்று எனக்கே தெரியாது. சந்திரமுகி நாயகிக்கு அய்யா படத்தில் இந்த பாடலின் பெண் குரல் மிக அருமையாக பொருந்தியிருக்கிறது. அந்த பாடலை டிவியிலும் பார்த்தேன். பாடலை கேட்கும் போது அந்த நாயகியின் முதிர்ச்சி அடைந்த அழகான முகத்தை விட நாயகியின் சினிமாஸ்கோப் இடை தான் மனதில் வந்து நிற்கிறது.

மூன்றாம் தர வரிசையில் திருப்பாச்சி பாடல்கள் தான் சேருகிறது. சில பாடல்கள் அருமையாக துள்ளுவதற்கென்றே இசை அமைத்திருக்கிறார்கள். அண்ணன் தங்கை பாசத்தை வடிய வைக்க ஒரு பாடல் கருத்தம்மா ஸ்டைலில் சுவர்ணலதா பாடியிருக்கிறார். ஒரு பாடலின் வரிகளை கவனித்த போது இரட்டை அர்த்ததுடன் விரசம் ததும்பி வழிகிறது. கீழே பாருங்கள். எல்லா வரிகளும் மிக மோசமாக காதலியை ஏதோ விலைமாதை பார்ப்பது போல வர்ணித்து வருகிறது. பெண் பாடுவதாக வருவதும் அதை விட மகா மோசம்.

பெண் : அப்பன் பண்ண தப்பில ஆத்தா பெத்த வெத்தல வெளஞ்சிருக்குடா
வெளஞ்சி நெரஞ்சிக்குடா
ஆண் : அடி ஒன்ன சொல்லி தப்பில்ல வயசு பண்ணும் மப்பில மாஞ்சிருக்கேடி
மாஞ்சி காஞ்சிருக்கேடி
பெண் : கையளவு கத்துக்கோ உலகளவு ஒத்துக்கோ என்ன வேணா வச்சிக்கோ
எத்தனையோ பெத்துக்கோ
ஆண் : முன்னழகை கட்டிக்கோ பின்னழகை வெட்டிக்கோ ஒன்னு வேணாம் ஒத்திக்கோ
அத்தனையும் பொத்திக்கோ
பெண் : இடுப்போரம் மச்சம் காட்டவா. அப்புறமா மிச்சம் காட்டவா
இடுப்போரம் மச்சம் காட்டவா மச்சான் அப்புறமா மிச்சம் காட்டுவா
ஆண் : அடி ஒன்ன சொல்லி தப்பில்ல வயசு பண்ணும் மப்பில மாஞ்சிருக்கேடி

பெண் ; கொய கொய கொய்யா பாட்டுப்பாடவா அதப்பட்டு கட்டுப்பட்டு வந்து விழுவா (சரியா புரியல இந்த வரி)
ஆண் : கொய கொய கொய்யா கொய்யா கொத்திகிறவா கொய்யா கொய்யா மேல ***** (புரியல)
பெண் : ஏ ஈச்ச எலுமிச்ச உங்கொக்க மவடா ஏ ஈச்ச எலுமிச்ச உங்கொக்க மவடா
ஆண் : ஆ. பெருத்த கன்னம் உனக்கு உனக்கு பெருத்த கன்னம் எனக்கு எனக்கு
ஒட்டி ஒட்டி தேயடி. பட்டித் தொட்டி ஆளடி
பெண் : தேக்கு மரத்த பாத்து பாத்து செவந்து போகும் நாக்கு நாக்கு
மொத்த விலை சொல்லவ கிட்ட வந்து நில்லுட
ஆண் : நெய் முருக்கு கை முருக்கு நொறுங்கி போச்சி எம்மா
கிறங்கி புட்டேன் சும்மா
பெண் : காடேறி மேடேறி கூடிப்புட்ட கச்சேரி
ஆண் : ஒன் சேதி என் சேதி ஊரறிந்த காத்தாடி
பெண் : இடுப்போரம் மச்சம் காட்டவா. அப்புறமா மிச்சம் காட்டவா
இடுப்போரம் மச்சம் காட்டவா மச்சான் அப்புறமா மிச்சம் காட்டுவா

(அலிகள் பாடுவது போல)
ஒன்னு இரண்டு மூனு நாலு அஞ்சி ஆறு ஏழு எட்டு
இதுக்கு ஆசைய பாரு (வசனம்)
பத்து பத்து பத்துக்குள்ள ஒன்ன வெட்டு
எட்டு எட்டு எட்டு எட்டுக்கூட ஒன்ன கூட்டு

பெண் : கடிச்ச இடத்தில் எறும்பு எறும்பு
தடிச்ச இடத்தில் தழும்பு தழும்பு
வெட்கம் கெட்ட ஆம்பள
தூங்கிப்பூட்ட தேவல

ஆண் : ஆ பொத்தி வச்ச வெளக்கு வெளக்கு
போர்வைக்குள்ள இருக்கு இருக்கு
தூண்டிவிட்டு பாக்கவ
விளக்கில் எண்ணை ஊத்தவ

பெண் : வெளஞ்சிருக்கு சரக்கிறக்கு அறுவடைக்கு காத்திருக்கு
ஆண் : (வரி புரியல.....)
பெண் : களவாணி படவா நீ ஒனக்கு நானா தலகாணி
ஆண் : கரகாட்டம் ஆடி காட்டவா உன்னை தலைக்கு மேல சுத்தவா.....

இதை கேட்டால் பாடலாசிரியரை அசிங்கம் அசிங்கமாக திட்டி எழுத தான் வருகிறது. அசிங்கத்தை கண்டு ஒதுங்கி போய் விடுகிறேன்.

இந்த மாதிரி பாடல்கள் எல்லாம் ஏன் வருகின்றன? எல்லாம் ஒரு கவனயீர்ப்புக்கு தான். உங்கள் கவனத்தை ஈர்க்க இந்த அசிங்கம் பிடிச்சப் பாடலின் வார்த்தையை என் பதிவின் தலைப்பாக வைத்தேனே அது மாதிரி தான்.