போட்டுத் தாக்கு!!!!!

குங்குமத்தில் சென்ற வார விளம்பரம் "30-க்கு மேல் குழந்தைப் பெறுவது ஆபத்து-டாக்டர்கள் வெளியிடும் அதிர்ச்சி ரிப்போர்ட்" என்று நிமிடத்திற்கு நிமிடம் சன் டிவி விளம்பரத்தில் கூவி கூவி மக்களின் அதிர்ச்சியைக் கூட்டிக் கொண்டிருந்தன. இதில் அதிர்ச்சியடைய என்ன இருக்கிறது,உண்மையைத் தானே கூறுகிறார்கள் என்று நினைத்துக் கொண்டிருந்த வேளையில் சில எண்ணங்கள் பொறித் தட்டின. குங்குமத்தைப் படிக்கவில்லையென்றாலும் என்னச் சொல்லப் போகிறார்கள் என்பதை விவரமாகவே ஊகிக்க முடிந்தது.

முப்பது வயதுக்கு மேல் குழந்தைப் பெறுவது எந்த அளவுக்கு ஆபத்து என்று தெரியவிட்டாலும், கருப்பையில் குழந்தை ஜனிக்க மிகுந்த சிரமம் எடுத்து கொள்ளும் என்பது தெள்ளத் தெளிவு. கஷ்டப்பட்டு ஜனித்தாலும் கருப்பையில் தங்கும் தன்மையின்றி போகின்றன. வயது ஏற ஏற மன்மத குஞ்சுகளும், ரதி தேவிகளும் முதுமையை நோக்கித் தான் பயணம் செய்கிறார்கள். என்றும் மார்கெண்டேயன் என்ற நிலமை விந்தனுக்களுக்கும் இல்லை, பெண்களின் கருமுட்டைகளுக்கும் இல்லை. வயது ஏற ஏற இனப்பெருக்க உற்பத்தி திறனின் தரம் தரம் குறைந்துக் கொண்டே செல்கிறது. இதனால் கரு நிலையாமை நிறைய ஏற்பட வாய்ப்புகள் அதிகம்,

"இதெல்லாம் சும்மா சார். நிறைய பேரு முப்பதுக்கு அப்பறமும் கல்யாணம் கட்டிக்கிட்டு குழந்தைகளோட காலாய்க்கலையா" என்று சொன்னாலும் அதில் அர்த்தம் இருக்குது. யாருக்கு முப்பது என்று பார்க்கவேண்டிய கட்டாயமும் உண்டு. திருமணம் செய்யும் போது ஆண் மட்டும் 30-க்கு மேல இல்லை இருவரும் 30-க்கு மேல என்பதைப் பொருத்து காம்பிளிகேஷன் வர வாய்ப்பு உண்டு. இது எத்தனை பேருக்கு தெரியும். படித்தவர்கள் கூட நம் நாட்டில் இந்த விசயத்தில் ஒன்றும் தெரியாதவர்களாகவே இருக்கின்றனர்.

அரைவேக்காடு பாலியல் உணர்ச்சிகளை தூண்டக் கூடிய படங்களைப் பார்க்கிறவர்களும், மஞ்சள் புத்தகங்களை படிக்கிறர்வர்களுக்கும் உணர்ச்சி ஒன்றே அறிவில் தங்கி நிற்கும். அறிவுப்பூர்வமாக அது எதையும் புகட்டுவதில்லை. அந்த மாதிரி படங்களையும் புத்தகங்களையும் படித்துவிட்டு ஒருவன் ஆயக் கலைகள் அறுபத்து நான்கினையும் கரைத்து குடித்ததுப் போல மார் தட்டிக் கொள்ளும் போது அது ஒரு நல்ல நகைச்சுவை நிகழ்ச்சியாக அமையும்.

நம் நாட்டில் முக்கியமாக செக்ஸ் கல்வி என்றவுடனே எல்லாருக்கும் மனதில் வந்து நிற்பது ஷகிலா படம் தான். ஏதோ கல்லூரியில் செக்ஸ் கல்விக்காக ஷகிலா படத்தையும்,போர்ன் படங்களை போட்டு தான் செக்ஸ் கல்வி சொல்லி கொடுக்க போவதாக கற்பனை செய்துக் கொண்டு வரிந்துக் கட்டிக் கொண்டு வருபவர்களைப் பார்த்தால் "அட முட்டை கோஸ் தலையா! உனக்கு மூளைக்கு பதிலா களிமன்னு தான்டா இருக்கு" என்று சொல்லத் தோன்றும். இந்த மாதிரி பாலியல் உணர்ச்சி குவியல்களாகி மக்கி போவதற்கு ஷகிலா படம் மட்டும் வேண்டுமென்பதில்லை, வீணாகி போன செல்வராகவன் போன்ற டைரக்டர்களும், சிம்பு போன்ற பிஞ்சிலே வெம்பிப் போனா அரைவேக்காடுகளும் போதும். காதல் என்ற பெயரில் அவர்கள் நடத்தும் காமகளியாட்டங்கள் தான் அவர்கள் மொழியில் சினிமா.

பால் உணர்ச்சி என்பது இறைவன் மனிதனுக்கு இயற்கையாக கொடுத்துள்ள உணர்ச்சிகளில் ஒன்று. காதல் என்று ஆரம்பித்து காமம் வரைக் கொண்டு செல்லும் இந்த உணர்ச்சிகள் ஆடு மாடு முதல் கொண்டு எல்லாவற்றுக்கும் உண்டு. ஆடுகளோ மாடுகளோ போர்ன் படங்களை பார்த்து விட்டு இனப்பெருக்கம் பண்ணுவதில்லை. "அது கால்நடை சார். நம்ம மனுசங்க சார்" என்று சொன்னால் "அய்யோ பாவம் உனக்கு இறைவன் கொடுத்த உணர்ச்சியில் எதோ கோளாறு உள்ளது" என்று தான் சொல்லத் தோன்றும்.

செக்ஸ் கல்வி என்பது உணர்வுகளை தூண்டுவது எப்படி என்று சொல்லி தருவதில் இல்லை தம்பி. மனிதனின் இனப்பெருக்க உறுப்புகளின் செயல்பாடுகள்,பெண்களுக்கு இயற்கைக் கொடுத்திருக்கும் இனபெருக்க சுழற்சி,இறைவனின் திருவிளையாடலான குழந்தை ஜனிப்பு போன்றவற்றை மருத்துவர்கள் மற்றும் அந்த துறை சார்ந்தவர்கள் சொல்லிக் கொடுப்பது தான்பா செக்ஸ் கல்வி.

மாத்ருபூதம் கொஞ்சம் துணிஞ்சி வந்தாரு. அப்பறம் நிறைய பேர் எழுத ஆரம்பித்தார்கள். எழுதுகிறார்கள். குங்குமம் மாதிரி அதிகப்படியாக திகில் ஊட்டும் பத்திரிக்கைகளும் தங்களால் முடிந்தவற்றைச் செய்துக் கொண்டுதானிருக்கின்றன. பரவலாக்கப்பட வேண்டும் செக்ஸ் கல்வி.முக்கியமாக இந்தியாவில்.

இந்த அறிவு குறைவாக இருக்கும் பட்சத்தில் பரம்பரை பரம்பரையாக "ஆண்மை குறைவு-வீரியம் இல்லாமை" வைத்தியர்கள், சேலம் சிவராஜ் வைத்தியசாலையில் வைத்து வைத்தியம் பார்த்துக் கொண்டுதானிருப்பார்கள். சித்த சஞ்சீவி மூலிகை என்பது இப்போதைக்கு செக்ஸ் கல்வி ஒன்றே.

"ஏம்பா உங்க வீட்டுல மட்டும் நிறைய கன்னு குட்டிங்க நிக்குதே எப்படிப்பா?"
"அதுவா அம்மா அப்பா மாடுங்க நிறைய நக்கீரன் புத்தகத்தையும், ஷகிலா போஸ்டரையும் திங்குது"

உண்மை தான் ஒரு வார நக்கீரனில் ஏறக்குறைய 6 "ஆண்மை குறைவு வைத்திய விளம்பரங்கள்". அய்யோ!! அய்யோ!! ஆண்மை குறைவு என்றால் நல்ல டாக்டரிடம் போகவிடாமல் சிட்டுக் குருவி லேகியம் கொடுத்து நம் மக்களை மடையன்களாக்கி வைத்திருப்பதற்கு காரணம் செக்ஸ் பற்றிய அரைகுறை அறிவே.

சிலர் குடும்ப பாரத்தின் காரணமாகவும், சில கடமைகளுக்காவும் லேட்டாக திருமணம் புரிந்துக் கொள்கிறார்கள். அதில் தவறு ஒன்றுமில்லை. லேட்டாக திருமணம் புரிந்து, ஒரு வேளை கருதரிக்க கஷ்டப்பட்டாலும் மருத்துவ விஞ்ஞானம் எங்கோ சென்று விட்ட இந்த காலத்தில் கருத்து தரிக்க வைக்கும் செயற்கை முறைகளில் சாத்திய கூறுகள் மிக மிக அதிகம்.

இதில் துக்கத்திற்கு ஆளாக வேண்டியவர்கள் திருமணம் செய்துக் கொண்டும் வசதியாக கஷ்டமே இல்லாமல் வாழ்பவர்களும் தேவையேயில்லாமல் குழந்தை பாக்கியத்தை தள்ளி போடுபவர்கள் தான். "கொஞ்ச வருஷன் ஜாலியா இருக்கலாம். குழந்தைங்க வந்த நமக்கு அண்டர் ஸ்டான்டிங் வராது. அதுனால குழந்தை இப்போ வேண்டாம்" என்று தள்ளிப் போடுபவர்களே, குழந்தை பெறுவதின் முக்கியத் துவத்தை உணருங்கள். இறைவன் படைப்பு என்ற அற்புதத்தை உங்களிடமும் நிகழ்த்த இறைவனை அனுமதியுங்கள். என்ன மண்ணாங்கட்டி அண்டர்ஸ்டான்டிங் வரப் போகிறதோ உங்களிடம். குழந்தைப் பேறை தள்ளிப் போட மாத்திரைகளை தின்றுவிட்டு குழந்தையே பிறக்காமல் திண்டாடுபவர்களும் உண்டு. வயதாகிறது, அதை மட்டும் நினைவில் நிறுத்துங்கள்.

ஆண்களே 24 & 25-க்கு அப்புறம் உங்களால் குடும்பத்தை நடத்த மனோபலம், பணபலம் இருந்தால் உடனே திருமணம் செய்துக் கொண்டு உடனே பிள்ளை பேறு பெறுங்கள்.

பெண்களே 21-க்கு அப்புறம் திருமணம் செய்துக் கொள்ளும் மனோதிடத்தை வளர்த்து திருமணத்தை வீட்டில் கேட்டு செய்துக் கொள்ளுங்கள்.

அவ்வளவுதாம்பா நான் சொல்லுவேன். சொல்லுறத சொல்லிபுட்டேன்....