<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d9439067\x26blogName\x3d%E0%AE%AA%E0%AF%8B%E0%AE%9F%E0%AF%8D%E0%AE%9F%E0%AF%81%E0%AE%A4%E0%AF%8D+%E0%AE%A4%E0%AE%BE%E0%AE%95%E0%AF%8D%E0%AE%95%E0%AF%81!!!!!\x26publishMode\x3dPUBLISH_MODE_BLOGSPOT\x26navbarType\x3dBLACK\x26layoutType\x3dCLASSIC\x26searchRoot\x3dhttps://halwacity.blogspot.com/search\x26blogLocale\x3den_US\x26v\x3d2\x26homepageUrl\x3dhttp://halwacity.blogspot.com/\x26vt\x3d-1566162084738285005', where: document.getElementById("navbar-iframe-container"), id: "navbar-iframe" }); } }); </script> <!-- Remove below comment line to show the content. Added for meta redirection --> <!--

போட்டுத் தாக்கு!!!!!

எள்ளோடு எலி புழுக்கையும் எண்ணைக்காக காயுதாம்

-ல் போட்டுத் தாக்கியது

இட ஒதுக்கீடு தேவையா?

Difficulty in reading this post due to font issues? Click here for a PDF copy. Works best if you right-click the link and select 'Save target as...'
இந்த பதிவை போட்டுத் தாக்கியவர் : அல்வாசிட்டி.சம்மி
அண்மையில் திரு குழலி அவர்கள் இதுபற்றி ஒரு நல்ல பதிவு கொடுத்துள்ளார். அதில் இட ஒதுக்கீட்டின் அவசியத்தை காரணிகளுடன் தெளிவாக கூறியுள்ளார். இது நான் முன்னைய ஒரு பதிவில் கேட்ட கேள்விக்கு விடையாக கொடுத்துள்ளார். நன்றி குழலி அண்ணாச்சி.

இட ஒதுக்கீட்டின் அவசியத்தில் எனக்கு முரண்பாடு இல்லை. ஆனால் அது செயல்படுத்தப்பட்ட முறையில்தான் இடிக்கிறது. இதில் அரசியல்வாதிகளின் சூழ்ச்சியே தெள்ளத்தெளிவாக தெரிகிறது. ஊர் இரண்டு பட்டால் கூத்தாடிக்கு கொண்டாட்டமெண்பார்கள். இதில் அரசியல்வாதிகள் கூத்தாடிகளாக இருந்து மக்களிடம் பேதமை வளர்த்து அதில் குளிர்காய்கிறார்கள்.

குழலி அவர்கள் பதிவில் :

பத்து கிலோமீட்டர் தூரம் மிதிவண்டியிலே, நடந்தோ பள்ளிக்கூடம் வந்து பின் வீடு சென்று வயலில் சிறு வேலைகள் பார்த்தோ அல்லது வீட்டில்
வேலைகள் பார்த்துவிட்டுதினம் அரை மணி நேரம் கூட வீட்டில் படிக்கமுடியாமல் இருக்கும் ஒரு மாணவன் 70 விழுக்காடு வாங்குவதற்கும் நகரத்திலே தரமான பள்ளியில் படித்து படிப்பை மட்டுமேவேலையாக கொண்டு படிக்கும் மாணவன் 90விழுக்காடு எடுப்பதாலும் 70 விழுக்காடு எடுத்த மாணவன் 90 விழுக்காடு எடுக்கும் மாணவனைவிட அறிவில் குறைந்தவன் என்று சொல்வது நியாயமாக இருக்குமா?


இதற்காக தற்போதுள்ள இட ஒதுக்கீடு முறையில் ஓட்டை இல்லை என சொல்ல வரவில்லை, ஒடுக்கப்பட்ட சமூகங்களிலிருந்து படித்து வெளிவரும்
தலைமுறை நன்றாக படிக்கக்கூடிய ஒரு சூழலை தங்கள் வாரிசுகளுக்கு தந்துவிட்டு மீண்டும் அவர்களின் வாரிசுகள் இடஒதுக்கீட்டை பயன்படுத்தும் நிலை உள்ளது, இந்த ஓட்டையை மட்டும் அடைத்துவிட்டு இட ஒதுக்கீட்டை தொடரலாம்.... எது வரை தொடரலாம்?, ஆயிரக்கணக்கான ஆண்டுகளாக பிறப்பினால் இருக்கும் ஏற்றத்தாழ்வுகள், பிறப்பினால் ஏற்படுகின்ற சமூக உரிமை மறுப்புகள் அழியும் வரை, பொருளாதார அளவில் மட்டுமின்றி சமூக அளவிலும் எல்லோரும் சமம் என்ற நிலை வரும் வரை எல்லாருக்கும் சம உரிமை கிடைக்கும் வரை இது தொடரலாம்.


திரு சொ. சங்கரபாண்டி அந்த பதிவிற்கு அளித்த பின்னூட்டம்:


இதுதான் கண்ணீர் வரச்செய்த வாக்கியம். இட ஒதுக்கீட்டினால் தங்களுடைய முன்னேற்றம் பறிக்கப் பட்டதாக சிலர் நொந்து கொள்கிற பொழுதெல்லாம்,
கன்னியப்பன்களின் கதைதான் எனக்கு நினைவுக்கு வரும். இட ஒதுக்கீட்டில் நிறைய கோளாறுகள், குளறுபடிகள், தில்லுமுல்லுகள் என்று இருந்தாலும் எனக்குத் தெரிந்து அதனால் ஓரளவுக்குப் பயன் பெற்று முன்னுக்கு வந்த கன்னியப்பன்களையும் அறிவேன். இட ஒதுக்கீட்டின் குறைபாடுகளுக்கும் முக்கிய காரணம் அரசாங்கத்தின் செயல்பாட்டுப் பிழைகள்தாம். ஆனால் அதைத் தவிர்த்து நல்ல மாற்றுத் திட்டமிருந்தால் ஆளும் வர்க்கம் அதை முன்வைத்திருக்க வேண்டும். முதலாளித்துவ ஜனநாயக அமைப்பில் இதுதான் இருக்கும் ஒரே
வழி. ஒதுக்கப் பட்ட இடங்களுக்குள்ளேயே சலுகைகள் வறுமையால் வாடுபவர்களைச் சென்றடையுமாறு சில சீர்திருத்தங்களைக் கொண்டு வரவேண்டும். மேலும் கிராமப்புற வேலை வாய்ப்புகளைப் பெருக்க முயற்சிகள் எடுக்க வேண்டும். உதாரணமாக மத்தியப் பிரதேச மானிலத்தில் காங்கிரஸ் முதலமைச்சர் திக்விஜய்சிங் கொண்டு வந்த பல திட்டங்களைக் கூறலாம்.

இந்த இருவரின் கூற்றிலும் உள்ள உண்மைகள் என்ன?

1. இட ஒதுக்கீடு அவசியம்.
2. பாதிக்கப்படுவது கிராமப்புற மாணவர்கள்.
3. தற்பொழுதுள்ள முறையில் ஓட்டைகள் உள்ளன
4. இந்த ஒதுக்கீட்டால் பயன் பெறும் உண்மையானவர்கள் குறைவு.

மேலும் திரு சொ. சங்கரபாண்டி கூறுகையில் ஒரு மாற்றுத்திட்டத்தை ஆளும் வர்க்கம் முன் வைக்க வேண்டுமென கூறுகிறார். ஆனால் இந்த ஆளும் வர்க்கம் சாதியை முன் நிறுத்திதானே ஆட்சிக்கே வருகிறது. அதனால் அவர்கள் மாற்று திட்டத்தை முன் வைக்கப்போவதில்லை.

ஆனால் இதற்கொரு நல்ல மாற்று உண்டு. இந்த இட ஒதுக்கீட்டை சாதிமுறையில் கொள்ளாமல் ஏன் கிராமப்புறம் மற்றும் நகர்புறத்தின் அடிப்படையில் கொள்ளக்கூடாது? திரு குழலி கூறும் பொழுதும் 90% நகர் புறத்தார் எடுக்கிறார்கள் ஆனால் கிராமப்புறத்தினர் 70% எடுத்தால் அதை ஒப்பிடுதல் கூடாது என்றுதானே கூறியுள்ளார்?

கிராமப்புற மற்றும் நகர்புற மாணவர்களின் சதவீதத்தை கணக்கெடுத்து அதற்கேற்றவாரு இந்த இடஒதுக்கீட்டை அமல்படுத்துவதில் தற்பொழுதுள்ள திட்டத்தைவிட வேலை மற்றும் நடைமுறையில் அமுல் படுத்தும் போது சிக்கலும் குறைவுதான். இதன் பயண் உரியவர்களை முன்னைய திட்டத்தைவிட அதிகமாக சென்றடையும்.

இத்திட்டத்தின் பயண்கள்:

1. கிராமப்புறத்தினர் பயண்பெறுவர்.
2. சாதியை படிப்பில், வேலையில் புகுத்திய தீயசெயலை அகற்றலாம்.
3. பயண்பெறும் உண்மையானவர்கள் அதிகமாவர்.


இந்த பதிவின் வாக்கு எண்ணிக்கை: . பக்கத்திலுள்ள ஸ்டாரை மவுசால் போட்டுத் தாக்கினால் எனக்கு மவுசு ஏறும். நன்றி:-)

உங்கள் கருத்துக்களை இட

திருப்பி தாக்கியவர்கள்:
என்னுடைய பதிவிலேயே உங்கள் கேள்விக்கு பதில் உள்ளது, இங்கே வெறுமனே நகரம் அல்லது கிராமம் என்பது மட்டுமல்ல பிரச்சினை

//படிப்பதும் அதிக மதிப்பெண்கள் வாங்குவதும் வெறுமனே ஒரு மாணவனின் அறிவுத்திறனை கொண்டு மட்டும் வருவதில்லை, அவன் இருக்கும் சூழலும் இதில் பெறும் பங்காற்றுகின்றது. அதிக மதிப்பெண்கள் பெறுவதில் பொருளாதார வசதி இரண்டாமிடத்தில் தானிருக்கும் மிக முக்கியமான இடம் குடும்ப சூழல், மற்றும் சமூக சூழல் தான்.

தந்தை தான் செய்யும் வேலைக்காக குடித்துவிட்டு பின் அதே பழக்கமாகி வீட்டில் சண்டை சச்சரவுகளோடு நிம்மதியின்றி படிக்கும் மாணவன், சில மாணவர்கள் வீட்டில் பிரச்சினையில்லையென்றாலும் அவர்களை சுற்றியுள்ள இடங்களில் நடக்கும் பிரச்சினைகள்,இதெல்லாவற்றையும் விட காலம் காலமாக படிப்பு அவனுக்கு ஒதுக்கப்பட்டதல்ல,அது மற்ற சிலருக்காக, என்ற மனப்பாங்கிலிருக்கும் ஒரு சமூகத்திலிருந்து படித்து வருபவனின் மதிப்பெண்களும், காலம் காலமாக கல்வி, கேள்விகள் எமக்கு மட்டுமே சொந்தமென்று இருக்கும் ஒரு சமூகத்திலிருந்து படித்து வரும் மாணவன் எடுக்கும் மதிப்பெண்களும் ஒரே அளவீட்டில் வைத்து பார்க்க வேண்டுமென்பது எந்த விதத்தில் நியாயமென எனக்குப்புரியவில்லை.
//

மேலே உள்ளது விளக்கமளிக்கும் என நம்புகின்றேன்
 
கிராமம், நகரம் என்று வந்தால் எல்லோரும் கிராமத்திலே ஒரு ரேஷன் கார்ட் வைத்துக் கொண்டு அதில் நுழைய முயற்சிப்பர். இது போல அதிகம் முன்வைக்கப்ப்டும் மற்றொரு முறை 'பொருளாதார அடிப்படையிலான இட ஒதுக்கீடு'. இதிலும் பல நடைமுறை சிக்கல்கள் இருக்கின்றன. வருமானத்தை குறைத்து ஒரு சான்றிதழ் வாங்கினால் போதும், உள்ளே நுழைந்து விடலாம்.

இட ஒதுக்கீடு என்பது சமூக சம நிலைக்காக உருவாக்கப்பட்டது. கிராமத்திலிருந்து நகரத்திற்கு வந்து விடலாம், ஏழை
பனக்காரனாகிவிடலாம், ஆனால் தாழ்த்தப்பட்டவர் ஆதிக்கம் செலுத்த முடியுமா? அவர்களுக்கும் சம உரிமை வேண்டும், சமமான போட்டிக்களம் இருக்க வேண்டும் என்பதற்காக ஏற்படுத்தப்பட்டது இட ஒதுக்கீடு (கொள்கை அளவில்).

சில ஓட்டைகள் இருந்தாலும் இப்போதுள்ள முறை சிறந்த முறையே. இதில் களைய வேண்டிய குறைகள் நிறைய உள்ளன.
1. இந்த முறையிலேயெ கிராமப்புறம், நகரம் என்று உள்-ஒதுக்கீடு இருக்க வேண்டும்.
2. BC சான்றிதழ் வாங்கிக் கொண்டு இந்த ஒதுக்கீட்டின் பலனை திருட்டுத் தனமாக அனுபவித்துக் கொண்டிருக்கும் ஆதிக்க சாதியினரை இதிலிருந்து வெளியேற்ற வேண்டும்.
3. ஒட்டு மொத்த ஒதுக்கீட்டு முறைக்கும் ஒரு 'Exit criteria' வைக்க வேண்டும். இந்த இலக்கை எட்டிவிட்டால் இனி இட ஒதுக்கீடு தேவை இல்லை என்று அறிவிக்க வேண்டும். இதை அறிவிக்காத வரை இட ஒதுக்கீட்டின் பெரும் பயன் ஓட்டுப் பொறுக்கும் அரசியல்வாதிகளுக்கே போய் சேரும்.

இந்த பதிலை என் பதிவிலும் இட்டிருக்கிறேன்.
http://vanampadi.blogspot.com/2005/06/blog-post_112003968980778072.html
 
போலிகளை நம்பி ஏமாறாதீர்கள்!
இட ஒதுக்கீடு பிரச்னை இப்போது அடுத்த கட்டத்திற்கு வந்து விட்டது. அரசாங்கத்தில் வேலைக்கு ஆள் நியமனத் தடை இருக்கிறது. சமமான கல்வி, சமமான வாய்ப்பு, சமூக நலனில் அரசின் பங்கு போன்ற எண்ணற்ற விஷயங்களில் அரசுகள் கைகழுவத் தொடங்கி விட்டன. இந்நிலையில்தான் தனியார் துறையில் இடஒதுக்கீடு என்ற முழக்கம் எழுகிறது. சமூகநீதி என்ற பார்வையில் நாம் பார்க்காத வரையில் ஒருவரது வாழ்க்கையை மற்றவர் பறித்த உணர்வு மேலோங்குவதைத் தவிர்க்க முடியாது. அதேசமயம் வரலாற்றில் நிகழ்ந்த தவறுகளை நிகழ்காலத்தில் சரிசெய்ய முற்படுவதிலும் பிரச்னைகள் இருக்கின்றன என்றே புரிந்து கொள்ள முடிகிறது.
தகுதியும் திறமையும் கிராமங்களில் இல்லை என்ற வாதமெல்லாம் எங்கும் எடுபடாது. நகர்ப்புறங்களிலும் எல்லோரையும் ஒரே தட்டில் வைத்துப் பார்ப்பதும் சரியல்ல. சென்னை மாநகராட்சிப் பள்ளிகளில் கல்வித்தரம் உயர்ந்திருக்கிறது என்பது உண்மையாக இருக்கலாம். ஆனால் அது கோபாலபுரம் டிஏவி, எஸ்பிஓஏ, பிஎஸ் போன்ற பள்ளிகளைப் போல் ஒருநாளும் வரப்போவதில்லை.
ராஜிவ்காந்தி காலத்தில் கொண்டுவரப்பட்ட புதிய கல்விக் கொள்கை மாணவர்களை பல கூறுகளாகப் பிரித்தது. தொழில் வளர்ச்சிக்குத் தேவையான அதிக திறன் கொண்டோரைத் தயாரிக்கும் கல்வி, குமாஸ்தாக்களை உருவாக்கும் கல்வி, கைத்தொழில் ஒன்றைக் கற்றுக் கொள்வதுடன் ஒரு கல்வி என்று.. தாராளமயமாக்கல், தனியார்மயமாக்கல், உலகமயமாக்கல் என்ற பொருளாதார சீர்திருத்தக் கொள்கைகள் எந்த சமூகத்திலும் சமத்துவத்தை விரும்புவதில்லை.
அந்த அடிப்படைப் பிரச்னைகளை விட்டுவிட்டு அந்தக் கொள்ளைக்கெல்லாம் உடனிருந்து ஆதரவு கொடுத்துவிட்டு தமிழ்நாட்டிற்குள் நுழைந்தவுடன் இடஒதுக்கீடு, சமூகநீதி, கிராமப்புற மாணவர் நலன் என்று உதட்டளவில் பேசித் திரிபவர்களை –வலைஞர்களே, இனம் கண்டு கொள்ளுங்கள் !
போலி நளன்களைக் கண்டு ஏமாறும் தமயந்திகள் அல்ல என்பதை உணர்த்துங்கள்!!

http://theruththondan.blogspot.com
 
கருத்து சொன்னவங்களுக்கு நன்றி.

இதுல தெருத்தொண்டன் என்ன சொல்லவாராருன்னு புரியலை.

குழலி நீங்கள் சொல்வதில் எனக்கு உடன்பாடில்லை.

நீங்கள் சொல்வதுபடி பார்த்தால் இடஒதுக்கீடு அனுபவிக்கும் சாதியில் உள்ளவர்கள் வீட்டில் எல்லாம் சூழல் சரியில்லை என்பது மாதிரி உள்ளது.

நீங்கள் சொல்லும் காரணம் எல்லா சாதிக்காரர்களுக்கும் பொருந்தும். அப்படி பார்க்கும் போது FC, BC, MBC, SC, ST என்று பிரிக்க வேண்டியது தானே, பின் ஏன் இந்த FC-கு பதில் OC என்று வைத்துள்ளார்கள்? இடஒதுக்கீடு அனுபவிக்கும் மாணவன் நல்ல பதிப்பெண் எடுத்திருந்தால் அவன் இந்த OC கோட்டாவில் வந்துவிடுவான். ஆக அவன் ஒரு FC மாணவனின் இடத்தை பிடிக்கிறான். இப்படி சாதிரீதியாக இடஒதுக்கீடு கொடுத்தால் அதிலும் பாரபட்சமில்லாமல் இருக்கலாம் அல்லவா? (இங்குதான் இந்த அரசியல்வாதிகளின் புத்தி தெரியும், திரும்பவும் ஊரு ரெண்டுபட்டால்...)

ஒரு கண்ணில் வெண்ணையும் ஒரு கண்ணில் சுண்ணாம்பும் வைக்கும் செயல் இதுதான்.

சுதர்சன் அவர்களே, எந்த திட்டத்தில் தான் ஓட்டையில்லை?

//கிராமம், நகரம் என்று வந்தால் எல்லோரும் கிராமத்திலே ஒரு ரேஷன் கார்ட் வைத்துக் கொண்டு அதில் நுழைய முயற்சிப்பர்.// இப்பொழுதெல்லாம் இந்த வேலைகள் குறைந்துள்ளது.

//ஆனால் தாழ்த்தப்பட்டவர் ஆதிக்கம் செலுத்த முடியுமா?// இப்பொழுது அவர்கள் ஆதிக்கம்தான் உள்ளது. படிப்பில் இட ஒதுக்கீடு, வேலையில் இடஒதுக்கீடு, பணி உயர்வில் இடஒதுக்கீடு...இத்தனையும் இருந்தும் இன்னமும் நாங்கள் தாழ்த்தப்பட்டிருக்கிறோம் ஒடுக்கப்படுகிறோம் என்று சொன்னால் எப்படி?

//BC சான்றிதழ் வாங்கிக் கொண்டு இந்த ஒதுக்கீட்டின் பலனை திருட்டுத் தனமாக அனுபவித்துக் கொண்டிருக்கும் ஆதிக்க சாதியினரை இதிலிருந்து வெளியேற்ற வேண்டும்.//

உண்மை, ஆமா அவர்களுக்கென்று தனியாக ஒரு இட ஒதுக்கீடு இருந்தால் இந்த வேலைகள் குறையுமல்லவா? சரி நீங்கள் சொல்லும் ஆதிக்க சாதிகள் தவிர BC, MBC -ல் உள்ளவர்கள் SC/ST சான்றிதள் வாங்கவில்லை என்கிறீர்களா? பழியை ஒரு சாரார் மீது மட்டும் போடாதீர்கள்.

//ஒட்டு மொத்த ஒதுக்கீட்டு முறைக்கும் ஒரு 'Exit criteria' வைக்க வேண்டும். இந்த இலக்கை எட்டிவிட்டால் இனி இட ஒதுக்கீடு தேவை இல்லை என்று அறிவிக்க வேண்டும். இதை அறிவிக்காத வரை இட ஒதுக்கீட்டின் பெரும் பயன் ஓட்டுப் பொறுக்கும் அரசியல்வாதிகளுக்கே போய் சேரும்.//

நீங்கள் சொல்லும் இந்த 'Exit criteria' முடிவு செய்வதற்கே 100 வருடங்கள் ஆகும் அல்லது ஆகலாம் அல்லது ஆகாமலும் போகலாம்?

//தனியார் துறையில் இடஒதுக்கீடு என்ற முழக்கம் எழுகிறது.// அடமக்கா இது வேறையா?

இந்த பிரச்சனையெல்லாம் வேண்டாம்னுதான் நகர, கிராம ஒதுக்கீடு-னு சொன்னேன்.

என்ன மக்கா?
 

உங்கள் கருத்துக்களை இட


<< திரும்ப முன் பக்கத்துக்கு போ

This page is powered by Blogger. Isn't yours? தமிழ் அசைபட இணையச் செயலி தமிழ் விக்கிபீடியா

-->